شاہ رخ خان کی امیتابھ بچن سے بدلہ لینے کی دھمکی

شوبز
2 مہینے پہلے

ممبئی: بھارتی فلموں کے کنگ شاہ رخ خان کی جانب سے بالی ووڈ کے شہنشاہ امیتابھ بچن کو کی گئی ایک ٹوئٹ سوشل میڈیا پر وائرل ہورہی ہے جس میں کنگ خان امیتابھ بچن کو کہہ رہے ہیں میں آپ سے بدلہ لینے آرہا ہوں۔

بالی ووڈ کنگ شاہ رخ خان نے گزشتہ روز ٹوئٹ کی ’’بچن سر میں آپ سے بدلہ لینے آرہا ہوں لہٰذا تیار رہیے گا۔‘‘ شاہ رخ خان کی اس ٹوئٹ پر  صارفین حیران پریشان رہ گئے کہ آخر ایسا کیا ہوگیا کہ کنگ خان امیتابھ سے بدلہ لینا چاہ رہے ہیں، تاہم بگ بی نے شاہ رخ خان کے ٹوئٹ کا جواب دیتے ہوئے کہا ’’ارے بھائی شاہ رخ خان بدلہ لینے کا ٹائم تو نکل گیا اب تو سب کو بدلہ دینے کا ٹائم ہے۔‘‘

Main aap se Badla lene aa raha hoon @SrBachchan saab! Taiyaar rahiyega…

— Shah Rukh Khan (@iamsrk) February 11, 2019



دراصل کنگ خان اور امیتابھ بچن کے درمیان ٹوئٹر پر جاری یہ دلچسپ لڑائی کسی پرانی جنگ کا حصہ نہیں بلکہ امیتابھ کی آنے والی فلم ’’بدلہ‘‘ کی تشہیری مہم کا حصہ ہے۔ فلم ’’بدلہ‘‘ میں امیتابھ بچن اور تاپسی پنوں مرکزی کردار ادا کر رہے ہیں جب کہ فلم کو شاہ رخ خان اوران کی بیوی گوری خان پروڈیوس کررہے ہیں۔ یہی وجہ ہے کہ دونوں اسٹارز سوشل میڈیا پر فلم کی منفرد انداز میں تشہیر کررہے ہیں۔

Arey bhai @iamsrk, Badla lene ka time toh nikal gaya .. Ab toh sab ko Badla dene ka time hai . https://t.co/iJIFfPgQxi

— Amitabh Bachchan (@SrBachchan) February 11, 2019



فلم ’’بدلہ‘‘ 2016 میں ریلیز ہوئی ہسپانوی تھرل فلم ’’کونٹراٹیمپو‘‘ کا ری میک ہے، فلم خواتین کے عالمی دن کے موقع پر 8 مارچ کو ریلیز کی جائے گی۔