بلاول بھٹو زرداری نے بتادیا وہ کیسی لڑکی سے شادی کریں گے

اہم
5 دن پہلے
Image

 کراچی: پاکستان پیپلز پارٹی کے چیئرمین بلاول بھٹو زرداری کا ایک ویڈیو انٹرویو جاری ہوا ہے جس میں انہوں نے بتایا ہے کہ وہ کس قسم کی لڑکی سے شادی کریں گے۔

ایک میگزین کے انٹرویو میں پاکستان پیپلز پارٹی کے چیئرمین کی زندگی سے متعلق سوالات کیے گئے۔

بلاول بھٹو زرداری نے کہا کہ ان کی شریک حیات ذہین، تعلیم یافتہ اور خوش مزاج ہونی چاہیے، ہم دونوں کے درمیان ذہنی ہم آہنگی ہو، سب سے ضروری یہ ہے کہ اس کی میری بہنوں سے دوستی ہو۔

Chairman #PPP Bilawal Bhutto Zardari shares how his life partner should be, talks about his favorite food, and much more about himself with The Current PK@BBhuttoZardari @BakhtawarBZ @AseefaBZ @ShahNafisa @SassuiPalijo @naveedqamar pic.twitter.com/1bwXwQvpIZ

— Sajjad Ali Mandhro (@SajjadMandhro) April 14, 2019



بال کٹوانے کے بارے میں بلاول بھٹو نے کہا کہ مجھے زیادہ تیار ہونے یا ڈریسنگ کا شوق نہیں۔ انہوں نے بتایا کہ ان کا پسندیدہ شہر کراچی اور پسندیدہ کھانا بریانی ہے تاہم حلیم بھی شوق سے کھاتے ہیں۔ ایک سوال کے جواب میں بلاول نے کہا کہ گھر میں بتائے بغیر وہ کبھی باہر نہیں نکلے۔

پی پی پی رہنما نے کہا کہ آفس میں آویزاں سب سے پسندیدہ چیز والدہ کا پوسٹر ہے جس میں بیک وقت ایک لیڈراورعورت کی جھلک نظرآتی ہے، آفس میں ایک پینٹنگ بھی آویزاں کی ہے جو بہنوں نےسالگرہ پردی تھی۔

بلاول بھٹو نے مزید کہا کہ میں نہیں سمجھتاکہ عوام پیپلز پارٹی کو پسند نہیں کرتے، یپلزپارٹی آمروں کےخلاف جدوجہدمیں ہمیشہ پیش پیش رہی اور آمریت کے مختلف ادوار میں مصائب سہے۔

پاکستان کےلیے اپنا تصور ایک جملےمیں بتاتے ہوئے کہا کہ پاکستان کا مستقبل اور تمام مسائل کا حل جمہوریت میں ہے، میری والدہ نےبھی اقوام متحدہ میں کہاتھاکہ جمہوریت بہترین انتقام ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔