غلط انجیکشن کے باعث انتقال کرنے والی ننھی نشوہ کیلئے فنکار بھی اشکبار

شوبز
4 ہفتے پہلے
Image

کراچی: غلط انجیکشن لگنے سے انتقال کرنے والی ننھی نشوہ کی موت پرفنکاروں نے نہ صرف اظہار افسوس کیا بلکہ اسپتال انتظامیہ کی غفلت اور لاپرواہی  پر نہایت برہمی کا اظہار بھی کیا۔

نامور پاکستانی اداکارہ ارمینا خان نے ننھی نشوہ کے انتقال پر اظہارِافسوس کرتے ہوئے نشوہ کے لیے دعا کی ہے اورکہا ہے کہ نشوہ جنت کے اعلیٰ مقام پرفرشتوں کے ساتھ کھیلے۔ اس کے ساتھ ہی انہوں نے نشوہ کے والدین کے لیے صبرکی دعا کرتے ہوئے کہا کہ والدین کے لیے دنیا میں سب سے بدتر چیز ان کی اپنی اولاد کو قبر میں اتارنا ہے۔

R.I.P little angel, may you play with the angels in the highest of heavens. I think the worst thing in the world for a parent is to bury their child. This is truly so sad and heart breaking #Nashwa

— Armeena Khan (@ArmeenaRK) April 22, 2019



اس کے ساتھ ہی ارمینا خان نے کراچی ہی کے اسپتال میں ڈاکٹرز اوراسپتال عملے کی ہوس کی بھینٹ چڑھنے والی عصمت کے واقعے پربھی اظہار افسوس کیا۔

اس خبرکوبھی پڑھیں: غلط انجکشن سے متاثرہ ننھی نشوہ انتقال کرگئی

اداکار فیصل قریشی نےنشوہ کی موت پر اظہار افسوس کرنے کے ساتھ اسپتال انتظامیہ کی غفلت پر برہمی کا اظہار کرتے ہوئے کہا، اور پتہ نہیں  کتنے بچے لاپرواہی کی نظر ہوتے رہیں گے، کوئی جوابدہ ہے۔

Nishwa is passed away aur pata nahi ayese kitny bachy laparwahi ki nazar hoty rahein gain ..koi jawad dey hey #healthminister #hospitals #system #SindhGovt pic.twitter.com/xJIvVVvivZ

— Faysal Quraishi (@faysalquraishi) April 22, 2019



ڈراما سیریل ’زندگی گلزارہے‘ کی اداکارہ منشا پاشا نے غفلت کا مرتکب ہونے والے اسپتال پر بھڑکتے ہوئے کہا ہے صحت مند زندگی سب سے بڑی دولت ہے لیکن آپ لوگوں نے صحت کو صرف پیسے بنانے کا ایک ذریعہ سمجھ لیا ہے۔ نشوہ کی تصویر نے دل توڑدیا  خدا ننھی نشوہ کو جنت کا اعلیٰ مقام عطا کرے اور اس کے والدین کو ہمت دے۔

Dear Dar ul Sehat. We are told Health is wealth lekin aap logoin ne sehat ko sach mein sirf paisay bananay ka eik zarya samajh liya hai. The pictures of #Nishwa are truly heartbreaking. May she rest in peace and may Allah give the parents himmat. #DarulSehat nahi dar ul muat

— manshapasha (@manshapasha) April 22, 2019



پاکستانی اداکارعلی رحمان خان نے ننھی نشوہ کی موت پر پاکستان میں صحت کے مراکزمیں برتی جانے والی لاپرواہی پرغصے کا اظہارکرتے ہوئے وزیراعظم عمران خان اور حکومت سے ان معاملات کے خلاف سخت ایکشن لینے کی درخواست کی ہے۔

Inna lillahe wa inna illaihe raje’oun. The whole country mourns for #Nashwa today. Medical malpractice is a scary reality in Pakistan where practitioners excape accountability and criminal sentences. @ImranKhanPTI’s govt need to start clamping down on this! https://t.co/Ixdtw9QivF

— Ali Rehman Khan (@alirehmankhan) April 22, 2019



اداکارہ نادیہ جمیل نے بھی نشوہ کی موت پراظہار افسوس کرتے ہوئے اسے اسپتال کی غفلت قراردیا۔

Medical negligence: Nine-month-old Nishwa passes away https://t.co/F5kJJ23Cz4

— Nadia Jamil (@NJLahori) April 22, 2019



گلوکار علی گل پیرنے کہا نشوہ کے روپ میں ہم نے ایک خوبصورت زندگی کھودی ہے اوریہ سب اسپتال کی مجرمانہ غفلت کو نظر انداز کرنے کے باعث ہوا ہے، امید ہے نشوہ کے والدین کوانصاف ملے گا۔

A beautiful life lost because of such criminal negligence by an hospital. I hope the parents get justice https://t.co/jvfOsFdrLy

— Ali Gul Pir (@Aligulpir) April 22, 2019



ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔